Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Meina Leud und ich senn nouch Groadien nein Urlaub gfoehrn.
Nuch in Slovenien frouchd ahner ve meina Gunga, ob velleichd Groadien scho in der EU is?
Worum?
Naja, ich hobb groud gsäing, dess mei Ausweis 2011 obgeloffm is.
Dess hedder nedd soung derfm, mir homm ja su eine Gaudi khobbd.
Obber einfoch hindnrumm durchn Garddn ze Fuß über die Grens soll, odder ob sa na fesdhaldn und mir nehma na aufm Rüggwech midd hamm - odder nedd?
Und dann semmer goer nedd kondrollierd woern!
Es is su a schöner Urlaub gwehn, amoll wommer zegoer reidn.
Worum sa mir denn größdn Gaul gehm homm, hobbich a nedd versdandn.
A boer junga, hübscha Idaljener homm omm Zaun gelahnd und zugeschaud, wie unner Exbedition sich ferdich gemachd hodd.
Und ich bi doch auf denn Gaul nedd naufkumma!
Eds hommsa die Sdeichbüchl su weid rou gelossn, wies bluß ganga is - ich bi nedd nauf kumma.
Dann hodd ahns ann Sdull gebrochd - drei gleichlônga Bah und a korz. Ich bi drauf rummgewaggld, du hosd gedochd, dess Bierfesd hoddscho ôgfangd.
Wie ich gsäing hobb, dess ahns ve meina Leud denn Foddo auf mich ôlechd, dou bi ich obber richdich sauer woern.
Ich woer ja su fruh, wie ich endlich druhm woer und mir senn luus geriddn.
Die gansa Zeid hobbich gedochd, wie ich dou einichermôßn ôhnsdändich widder rou kumm.
Nouch unnern Ausfluch woern die Idaljener nimmer dou, obber annera junga Leud.
Gans elegand hobbich die Sdeichbüchl ougsdraafd und dess rechda Baa übern Kubf venn Gaul nouch lings geworfm und dann hobbich mich ve mein Bumm auffanga lossn.
NIE WIDDER!
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.