Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Gesdn (Dunnerschdouch) lesich in der Rundschau, woss ve ahner Sunnafinsdernis - ob halber zehna. (In der Früh, wall nochds is dess ja eh dungl).
Mir is gleich mei SOFI-Brilln ve 1999 eigfalln und die hobbich zegoer widder gfunna.
Büngdlich 9:30 Uhr sdi ich ômm offna Fenster und schau mid meiner Sbeziôlbrilln nei die Sunna.
Nix!
Deng ich - dauerd hald nuch aweng und debei sichich, dess meina Fensder dreegdreggerd senn.
A Bligg durch die Brilln, es hoddsich nuch nix gedôh und scho bi ich underwegs und hull Budszeuch. Kaum blidsdess Fensder, hobbich scho mei Brilln auf und sich, dessich nix sich.
Also, dauerdes hald nuch aweng.
Und dann du ich die Vorhäng rou - walldie dess a nödich homm!
Zwischndurch werd immer widder die Sunna beobôchd.
UND: Nix!
Bis Middouch hobbich dann alles schö sauber khobbd, obber keine Spur ve ahner Sunnafinsdernis.
Heud, wiemer midn Audo underwechs sänn, mei Aggu fasd leer is und mei Bu schrebbd, desser heud (Freidouch) fer dess Himmelsereignis gern mei SOFI-Brilln ausgelieha hädd, dou mussdich su orch lachn, wall mir doch immer und überoll ze sbäid drô senn!
Ômm Nammidouch sdi ich hinder am Mô ô der Kass. Er hodd sich a Bildzeidung kaafd und dou sdedd auf der erschdn Seidn, dess heud (Freidouchvormiddouch) a Sunnafinsdernis ze bewundern wär.
Leider woer ich ze derrer Zeid nedd dahamm und bi midn Audo rum gfoern.
Hoffendlich hodd mich gesdn kahns beobôchd, wieich denn halm Vormiddouch mid derrer blödn Brilln nein Himml geglodsd hou!
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.