Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
A Bekannder ve mir hodd erzilld, desser vor a boer Joer in der Dürkei mid an Reisebus underwechs woer. Kaum worrer in dem Bus drinna, mussder scho aufs Glou.
Es is kaum zenn Aushaldn gwehn, er hodd su geliddn und mussd nuch zwa Sdundn waddn, bissa Rasd gemachd homm.
Venn Bus raus, kubfüber nein Abord, die Huusn rou, dou sichder, dess dess su a Vorrichdung zenn drüber sdelln woer.
Der gansa Buudn woer vollgsaachd, odder erchendwie noss und er hodd auf ann Baa ballanxierd und seina Huusn ausgezung, demidder sa nedd vull machd.
Dess woer eine Erleichterung!
Wier ferdich woer und sich aweng gewaschn hodd, mussder ô dem Mô verbei, der wu dess Geld fer den Besuch kassierd hodd.
Waller su schnell aus dem Bus raus is, hodder kahns debei khodd.
Er hoddem Mô bluß seine leern Daschn gezeichd und der hoddna nouch gerufm:
"Verpiss dich", auf dörkisch.
Die Foehrd is weider ganga.
Kaum gedds luus, mussder scho widder aufs Glou.
Er hodd solche Bauchschmerzn khodd, dessers goernedd beschreim konnd!
Woss mussder vor der Ôbfoehrd a fressn wie a Ochs?!?
Eds hodder obber geliddn!
Endlich is widder a Hald und er wie a geölder Blids venn Bus naus und Richdung Doileddn gerennd.
Dess woer obber a Sauerei, alles dreegdreggerd. Er machd alla Dürn auf und es is ka saubers Glou debei. Auf amoll finder a grußa Dür und an grußn Raum, wie su a Behinderdn Doileddn be uns und a saubers Sidsglou debei.
Er hodd gedochd, er is im Himmel. Gleich hodder sei Gschäfd mid an grußn Radau gemachd, desses bis auf die Sdross khörd homm.
Es woerna Woschd, er is su glügglch gwehn.
Bisser sich umgedrehd hodd und gsäing hodd, dess dess alles bluß a Degoradion woer und der Dreeg undn venn Loguss rausgeloffm is.
Denn Doileddn Mô hodder grußzüchich ann diggn Geldschein nei die Händ gedrüggd und wolld ka Wechslgeld homm.
Wier im Bus gsessn is, hodder bluß inbrünsdich gebedd: "Lieber Godd, läss uns weider foehrn, su schnell wie möchlich!"
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.