Willkommen auf meiner Webseite!

DER BIGGI IHR BLOG

Stadthalle Kulmbach

Heud früh woerich mid meiner Nochbera in der Sdôddhall.
Ich souch eds ned in welcher Verônsdaldung.
Hernouch wolld mer widder hamm, senn ô die offna Dürn venn Sôôl vorbei und zenn Bargdiggedaudomadn. Der hodd bardu die Kaddn nedd ôgenumma, bis meiner Nochbera aufgfalln is, dess dou nuch 1,20 ze zohln senn, ve ann, der wu velleichd ka Geld khobbd hodd.
Also semmer Richdung Ausgong, dou wu früher die Info woer.
Die Dür is gans leichd aufganga und hinder uns widder zugfalln.
Rings um uns is alles verglôsd und wie mir die Außndür aufmachn wolln, gedd der Drügger ins Leera.
Ich bi soford widder zerügg, obber die erschda Dür lässd sich eds a nimmer aufmachn.
Mir globfm und bumbern, es hörd uns ka Mensch.
Mir haua nô die Dür und Fensder, dessich Angsd hobb, dess Zeuch fälld raus.
Vorhin hommer ja nuch die Arbeider im Sôôl gsäng, wie sa sich underhaldn homm, die müssedn uns doch hörn.
Odder ärbern die edserd groud woss?
Keine Sau auf dem Vorblods und mir dunn wie blöd ô die Fensder rum, dess ner bluß su schebberd und grachd.
Ehrlich, mir wolldn groud "H I L F E" schreia, dou sichd mei Nochbera ann Hebel über der Dür und wie sa denn umlechd, konnd mersa aufmachn und gans leichd naus geh.
Dann hobbich ann Nervmzusammenbruch grichd und su einen Lachônfoll, wallich gedochd hou, wenn DIE dess eds aufgezeignd homm und alles is auf Video, dann homm die a ann schön Douch!


Biggi