Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Heud hobbich benn Aldi a Fraa aus Stanich gedroffn und fasd a Sdund mid errer gewaafd.
Erchendwie semmer über denn Flohmargd ve gesdn aufm Sberrmüll kumma und dess ihr Mô goer nix weg schmeißn ko. Dou is meiner ka weng besser, souch ich ze ihr.
Meiner dräichd ze Nochd dess Zeuch wu ich nausgsdelld hô, einfoch widder rei, wall dess könnd mer ja nuch erchendwann amoll gebraung.
Dann erzilld sa, dass sie amoll funglnochlneua Werdshaussdüll günsdich grichd homm, und die wolldn sa fer Familienfeiern gebraung. Obber kamoll woer dess der Foll, wall sa ihra Feierlichkeidn sche seid Johern im Werdshaus gemachd homm, demidd sa nedd suvill Ärberd hodd. Eds homm in Stanich die Nochbern an Sberrmüll khobbd und sie hodd gedochd, wenn der Ald schläfd, dann drouch ich dia blödn Sdüll nüber, die brauchd doch ka Mensch.
Dess hoddsa gemachd und nuch ann aldn Debbich drüber gelechd, demidds ihrer joer nedd sichd, wenner ze früh auf die Ärberd gedd.
A Wochn sbäder sichd sa nebe ihrer aldn Schubfm genau solcha Sdüll, wu sie weg gedôh hodd.
Sie souchd ze ihrn Mô, dess dess a Frechheid is, dou hädd ahns seina aldn Sdüll nei ihrn Gaddn gsdelld.
"Na", sochder "dess woer ich. Dou freusda dich besdimmd. Eds hommer die dobblda Ônzôhl ve Sdüll, die hobbich venn Sberrmüll."
Sie hodd sich obber ned gfreud und hodd die Sdüll benn näxdn Sberrmüll widder be die Nochbern nô gsdelld, wie ihr Alder verreisd woer.
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.