Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Unner Bu ärberd be der Brauerei und grichd Hausbier.
Nouch seiner Ärberd ruf ich na ô und mir vereinboern heud nuch des Kondingend fer denn Monad ouzehulln.
Dess bassd mer groud guud vor die Feierdouch.
Ich sdi benn REAL aufm Bargblods und ruf na ô, wann mir uns dreffm könna.
Er sochd, dess häddmer doch gesdn scho besbrochn und er däid vor der Dür sdeh und auf mich waddn. In seiner Firma wär heud su a "Afder Wörg Bardy" und sie däidn Dard sbilln und su Zeuch hald.
Ich ras in einem Karacho die Wolfskehl nauf und ruf na ô, dessich dou bi und vor seiner Dür sdi - und wu blebbsdn du?
Be sein Scheiß Händy gedd widder bluß die Mailbox nô.
Ich sdeich aus und glingl be na.
NIX.
Dess gansa Haus is finsder.
Edsd rufd er zerügg.
"Du wassd doch, dess mei Händy an Gnall hodd."
Und: "Ich sdeh immer nuch vor der Dür und wadd auf dich!"
Ve der Wolfskehl bis hamm hobbich drods Feierômbdverkehr kanna sechs Minudn gebrauchd.
Wie ich be uns nein Huuf foher is alles dungl und kanner wadd vor der Dür.
Schlouchôrdich werd mer gloer, desser nuch in der Firma is, wennsa doch "Afder Wörg Bardy" homm.
Ich foher widder naus venn Huuf, Richdung Brauerei. Eds glingld mei Delefon und mei Bu frouchd, wu ich blebb?
"Ich hobb gedochd, du sdisd be uns dahamm ver der Dür."
Er: "Och Mudder!"
Wie ich be der Brauerei aufm Foherroud Wech sdi und denn Verkehr behinder, sichich drinna ann Haufm Leud, obber vor der Dür sdedd kahns.
Vielleichd mahnd er die Dür venn Gedränge Margd?
Ich foher hie und
NIX
Dreimoll ruf ich na ô.
Dreimoll Mailbox!
Ich läss dess Audo sdeh und laaf ze Fuß zerügg ze seiner Ärberd.
Wie ich näher kumm, sdedder werglich draun und lachd, wu ich sulang bleib?
Er wär die gansa Zeit vor der Dür gsdandn und bluß amoll weche sein blödn Händy nei ganga, wall der Aggu leer woer.
Dou hommer uns dann wull verpasst.
Dann semmer eikaafm und hinderher hobbich na gfrouchd, wie die Leud dess früher ohna Händy gemachd homm?
Sochder bloß:
"Die homm besser zukhörd, wennsa woss ausgemachd homm!"
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.