Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Mir woern eds a boer Douch in der Dörkei zenn boudn.
Dess Wehder hodd gebassd, bluß dess Audo woer a weng ze glaa.
Ze sechsd wommer und fasd lauder Aberade.
In dess Audo wummer uns gemidd homm, senn groud moll fünf Glaana nei ganga und mir homm dess Gebägg nuch khodd!
Gemüdlich is annersch, obber mir homm uns zammgemadschd und widder woss gsboerd.
Omm ledsdn Douch hommer dess Audo widder ougehm und senn be unnern Ongl gebliem, der uns dann in der Früh zenn Fluchhôfm bringa wolld.
Leider semmer a weng sbäid aufgsdandn, die wolldn uns obber a nedd ohna Frühsdügg geh lossn und dann mussdn sa a nuch Brod kaafm geh. Unner Grußer wolld allahs luus, obber der Ongl hodd gsochd, dou musser mied, weil er nuch Bagglawa fer heid Nammidouch kaafm müssed, dou kämed Besuch.
Dess hodd gedauerd.
Vor allem, wall dess Bagglawa in dem ann Loudn ze deuer woer, dou mussdn sa nuch über die Sdross und wie immer woer hald a Haufm Verkehr.
In dem annern Loudn hoddes genau su vill gekosd, dou hodder Ongl gsochd, er gänged nouchher selber nuch amoll luus, wall mir häddn ja ka Zeid. Um zehna hädd mer om Fluchhôfm sa müssn und eds is scho halb und hie fohern müss mer ja a nuch!
Die Dande hodd alles aufgfohern woss in ihrn Kühlschrang gwehn is und denn Frühsdügssdiesch gedeggd.
Wie der Ongl denn Dee eischengn wolld, mergder, dess dess Wasser nuch goer ned gekochd hodd.
Nouch zehna sidds mer dann alla im Audo, die annern homm dauernd auf die Uhr gschaud, obber dessweng fährd der Ongl a nedd schneller und ich hobb gedochd: Iss a nedd der erschda Fliecher, wu ich verbass.
Nouch fümfhunnerd Meder gibd dess Audo su Alarmgeräusche ve sich:
Bieb, bieb, bieb, bieb, bieb, bieb…
Sochd der Ongl, dess dess nix machd, dou is bluß dess Gas alla.
Aufm Rüggsidds hommsa leis gebedd!
Dann fährd er langsamer und zeichd uns, dess die Cousina in dem Haus dord im ôchdn Sdogg wohnd. Dann zeichder uns a Schull und erchendann Neubau wu sa die obern zwa Sdoggwerge widder roureißn mussdn, wall die Fliecher nedd drüber kumma senn, be der Landung. Und jedesmoll gedder ven Gas, damidd mir dess alles schö säing könna.
Dann semmer dou und die homm uns nuch mied genumma, wall dess bis Isdanbul a Inlandsfluch is und dou hädd mer uns zegoer nuch aweng Zeid lossn könna.
Dess machmer dann dess näxda moll!
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.