Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Ahner meiner Lieblingsfilme is ja mid Ôbsdônd „Fargo“.
Eds homm sa dou demidd a Serie gemachd.
Ich woer ja scho aweng skebbdisch, wie mer unner Jüngster die vier DVDs gebracht hodd.
Kho dess woss gscheids sah?
Alla zamm solln über neun Sdundn Maderiôl homm!
Dess kho a lônga Nochd wern, hobbich gedochd und scho bezeidn demidd ôgfangd.
Be der erschdn DVD bi ich sdudzich woern, wall sa erschd die Bolizistin erschossn homm, und be der zweidn hoddsa a Kind grichd. Dann senn suvill Fisch vemm Himml gfalln, dess a Audo nein Sdrossngroum is und zwaa Leud woern hie.
Die wolln mich hald veroerschn, hobbich gedochd.
Dess hodd nuch merrer solcha Ungereimdheidn gehm, bis ich alles ôgschaud khobbd hobb.
Su richdich versdandn hobbich dess gansa a nedd.
Aweng über vier Sdundn und nedd länger woer ich vorm Fernseher, dann hobbich alles gsäing.
Die bescheißn doch einfoch die Leud.
Obber eds hob ich denn Boung raus!
Immer wenn die Schrifd (der Nouchsbann) kumma is, hobbich die DVD raus und die näxda nei. Die ledsda hobbich einfôch weider laaf lossn:
UND DIE SERIE GIDD WEIDER.
Eds wass ich a, worum ich dess gansa Zeuch nedd verstanden hobb - weil ich ve jeder DVD bluß die Hälfd gsäing hou.
Heud Öhmd fang ich nuch amoll ô, dou muss ich dann bluß die zweida Hälfd schaua, die erschda kenn ich ja scho.
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.