Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Unner Grußer fährd an Firmenwoung, an neua Golf.
Waller in Lichdnfels ärberd, sdedd LIF aufm Nummernschild.
Die Mudder ve sein glann Bumm hodd ann VW Bus.
Sie wolld ôm Sunndouch aweng sbäider zenn Essn kumma.
Unner Grußer woer scho dou, wie sie ôrufd, sie bräuched schnell amoll Hilfe mid ihrn Gunga.
Ka Broblem, hou ich gsochd und bi auf mein Roller gsdieng.
Groud hodds es Renga ôgfangd.
Bis Gumpferschdorf is ja nedd weid, obber es hodd dann gans schö gedraaschd.
Wi ich vor ihrn Haus kumm, sichich, dess ihr Bus nedd dou is.
Die hädd mir doch begenga müssn, oder is die über Baamgaddn gfoehrn?
Worum hoddn die nedd auf mich gewadd, die wolldoch Hilfe houm!
Ausnôhmsweis hobbich es Händy debei und ruf mein Bumm ô.
Der hibbd nedd ou.
Bis mir widder eifälld - in Gumpferschdorf gibbd es goer ka Nedds!
Es rengd, ich schibb denn Roller rüggwärds um an Golf rum mit Lichdnfelser Nummer und will widder hamm.
Ich deng, zegoer ve Lichdnfels kumma sa zenn Essn zenn Charly nouch Gumpferschdorf!
Und dann nuch: Mei Bu hodd a su a Audonummer!
Schlouchoerdich werd mer gloer, die homm die Audos gedauschd!
Und ich hobb doch ihrn Bus heud scho be uns gsäing.
Ich bi dann einfoch ô die Hausdür und hob geglingld.
Hodd die sich gfreud, wie ich endlich dou woer!
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.