Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Ôgfangd hoods dou demidd, dess mei Schwiecherdochder mich ôgerufm hodd und gemahnd, dessa eds neis Grangnhaus fohern däid, wall die Glaa kummed.
„Dou fährsdu nerchends wu nô, ich foher dich.“
Heiliches woer ich aufgerechd.
Erschd wolld ich in Hausschuh naus, dann hobb ich mei Brilln nedd gfunna, denn Geldbeudl a nedd, die Sunnabrilln woer a nimmer dou, die woer auf mein Kubf…
Ich woer gans durcharananner.
Ze denn Zeidbungd bi ich scho merrer wie 20 Kilomeder auf Reserve gfohern.
Meiner drüggd mer benn nausgeh 20€ nei die Händ, ich soll hald schnell nuch aweng dangn.
Wie ich luus foher, deng ich:
„Scheiß aufs Dangn, dess häld scho nuch aweng. Lieber hull ich mein Gunga ve der Ärberd ou, der will doch a debei sah."
Ô ahner ruudn Ambl ruf ich na ô. Gedder nadürlich nedd nô!
Aufm Bargblods hobbich zwaa Bläds gebrauchd und benn Aussdeing wär ich fasd nôgegnalld, wall meina Schuh nuch offm woern.
Drinna ôm Emfang souch ich, dess ich ze mein Bumm will.
Die Fraa nimmd dess Delefon und frouchd na gans gemüdlich, obber nedd moll vorkumma will?
Ich schrei sa ô:
„SCHNELL!“
Und sie: „Ach Godd, kummd wull eds dess Kind?“
Dann sids mer alla zwa im Audo und ich wussd nimmer wie mer auf Fölschlich fährd.
Mei Schwiecherdochder hodd scho ô der Karasch auf uns gewardd. Su a glass, dabfers Gsichdla hoddsa gemachd.
Auf der Foherd hobb ich immer mid ann Aach auf die Kilomeder geschaud, die ich in der Reserve gfohern bi. Wie die zwaa benn Grangnhaus ausgsdieng senn, bi ich aufm näxdn Wech zer Jed Dangsdell in der Ruggdeschlsdrouß.
Dou kummd mer mei Roller endgeche. Ahner ve meina Bumm fährd und der Vodder hoggd hindn drauf. Ich deng, woss machn denn die eds fer Ausflüch, der müssed doch sein Loudn aufmachn, es is doch scho korz nouch fümfa!
Ich hald ô, Meiner sdeggd be mir ei und sochd, dess sei Schlüssl be mir im Auto lichd und ich soll na eds obber gans schnell auf die Ärberd bringa. Gleinlaud mahn ich, dessich nonnich gedangd hädd, obber er hodds nedd khörd. Ich bi auf der Umgehung und wolld Richdung Bareid widder raus - dou konnd mer nedd, wall weche Bauarbeidn gsberrd woer.
Eds souch ich nuch amoll, dessich nonnich gdangd hädd.
Cool wie er is, mahnder:
„Dann bleimer eds dou und fohern nouch Maleus zer Jed Dangsdell“.
Wie ich dann ve inna denn Dangdeggl aufmach, falln die 20€ raus.
Keine Ahnung wie die nei die Dür kumma senn.
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.