Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Hodd dess heuer widder Gschenge gehm, fasd alles elegdronisch.
Demm Oba homm sa a Drohna kaafd, eine Drohne.
Ich woer scho aweng sgebdisch, wi ich dess Baged gsäing hobb.
Der hodd ja scho a boer Leud gebrauchd um dess Ding eizerichdn, mid Bluuduus auf sein Händy, dann denn Aggu loudn und wengsdns a bissla versdeh wu er drauf drüggn muss.
Mer kô nedd merrer soung wie: Es hodd na gfalln!
Dann semmer gleich nunder nein Huuf.
Der Oba hodd sich nedd blöd ôgsdelld, bluß amoll wär er fasd midd denn Ding nô mein Kubf gfluung.
Ich hobb derrawell alles fein mid mein Smardphone dogumendarisch fesd khaldn.
Dann iss die Drohna aufm Buudn gfalln. Obber dess woer nedd weider schlimm, bluß die Finger hodder sich ô die Rodorblädder aweng eigezwiggd.
Zwa ve seina Gunga senn na beigsdandn und mussdn die Drohna neu kalibriern.
Alles wunderboer, der Oba nimmd dess glaana Fluchzeuch und machd ann Neusdard.
Dess glabbsd du nichd mid woss fer an Karacho dess Ding nei die Höh is. Der Oba machd drei halbherziche Schridd hinderdrei.
Dou kummd sei Bu ve hindn, reißd na die Fernbedienung aus der Händ und rennd denn glann Fliecher nouch.
Dess kosda vergessn, dess Ding woer weg. Nullkommnix hommer na nimmer gsäing.
Der Oba hodd bluß gsochd:
ICH hobb nix gemachd.
Dou woer a su a Aufgleber debei, wumer sein Nôma drauf schreim konnd, falls dess Ding amoll verlorn gänged, obber dess wolld mer erst sbäder machn.
Edds hommer a subber schöss Weihnôchdsgscheng khobbd, fer fuchzenn Minudn.
Also, wenn ahns a Drohna find, wu ka Nôma drauf sdedd - dess is unnera!!!
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.