Willkommen auf meiner Webseite!

DER BIGGI IHR BLOG

Yoga

Unner Grußer hodd die Handwerger dahamm.
Auf elfa homm sa sich ôgemeld und er sold vorher nuch 480 Kilo Ferdichmördl besorng.
"Obber sei bluß büngdlich, mir müssn nocherd nuch auf a annera Bausdell", homm sa ôm Delefon gsochd.
Er dengd, dou is nuch Zeid genuch und nimmd sei Yoga Maddn, gidd nein Gaddn und lechd sich undern Öbflbaam.
Erschd machd er seina Übungen, dann streggd er sich aus und schläfd a soford ei.
Dess woer dann die Endsbannungsübung.
Waller obber die Maddn auf an Emiddsnhaufm geläichd hodd, isser durch die a widder aufgeweggd woern.
"Scheiße", dengder, "ich muss ja nuch den Mördl besorng" und rennd ze sein Audo.
Er woer sbäid drô, im Baumargd woer a Haufm luus und wie er den Einkaufswoung mid den Mördl ze sein Audo schibbd, driffder a nuch an Bekanndn.
Er schlichd denn Bausdoff nei sein Audo und machd debei aweng "Smôldôg".
Endlich is alles eigeloudn, der anner blauderd immer nuch su vill und er find sein Audoschlüssl nimmer.
Die Zeid drängd, der anner quadschd und der Schlüssl is nimmer dou.
Unner Bu is gans verzweifld und sei Freund mergd nix und waafd immer nuch.
Endlich gedd na a Lichd auf:
Er hodd denn Schlüssl nein Kufferraum geworfm und dann die gansn Sägg drauf gschlichd!
Eds mussder alles widder raus ramma, denn Schlüssl nei die Huusndaschn sdeggn und dess Audo widder eiloudn.

Die Bauarbeider homm scho auf na geward.

Godd sei Dang hodder ze Früh sei Yogazeuch gemachd, sunsd wärer vielleichd nuch aufgerechd woern!

Biggi