Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Gesdn kummd mei Nochbera rauf ze mir und sochd, dess dess Wasser heud um siema in der Früh ôbgsdelld werd und ich vorsorng soll, wall mer wass ja nedd wie lang dass dess widder dauerd.
Sie is dann hamm und scho hobb ichs vergessn.
Heud früh wach ich auf, muss dringend aufs Glou und hör scho die Arbeiter drundn im Kehler bohrn und dô.
Dou woer doch woss?
Heiliches - es Wasser!!!
Ich raus ausm Bedd, denn Wasserhôhn aufgedrehd - kein Drobfm!
Dess senn Augenbligge, dou zehr ich nuch a boer Douch drô.
Godd sei Dang is dess groud su orch druggn, dess ich Ômbds immer die Gießkanna aufm Balkon vull mach, demidd meina Blumma a ougsdandns Wasser grieng.
Mid derrer Kanna hobb ich dann mei Gschäfd gemachd.
Woer obber kha rechder Drugg dehinder.
Dess Ergebnis vo der Reinichungsagdion woer nicht sehr befriedigend.
Ich hobb sozesông a "Sauerei" hinderlossn.
Meina Händ senn dann mid Selterwasser gewaschn woern und mei Gsichd und dess annera Zeuch mussd hald nuch aweng waddn.
Ich bi widder neis Bedd, wall, ich konnd ja nedd amoll Kaffee kochn.
Biggi
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.