Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
Mei Bu rufd mich ô und frouchd, ob in derrer Wochn die "gelm Sägg" drô wern. Wall er nedd in Kulmboch, sondern in ann Dorf gleich denebe wohnd, homm sa ann annern Müllobfuhr Blôn wie mir. Ich souch na, desser rechd hodd, in derrer Wochn senn die "gelm Sägg" drô.
Er hädd seina dess ledsda Moll vergessn nauszesdelln und edds däidn sa zenn Sdingn ôfanga. Er kämed ôm Wochnend und leched seina nebe unnern Müllamer mid nô. Kha Broblem, souch ich. Sunndouch ze früh ruf ich na ô und frouch wu er mid sein Müll blebbd. Er fährd mich ô, desser "Wochnend" gsochd hädd und dess iss ja nonnich rum. Alles gud souch ich und lech auf.
Mondouch Nammidouch is er widder ôm Delefon und sochd, desser edds seina Sägg bringa däid.
"Dudd mir leid", souch ich, obber weche Usdern und dia Feierdouch is der Müll obber scho heud oukhulld woern.
Er hädd die Sägg im Audo, fohred groud durch die Blaach und seina Kinner schimbfm, walls im Audo su sdinged. Und wall er groud nebe der Stroß gelba Sägg lieng gsäng hodd, issna dess widder eigfalln. Ich souch, läich hald deina Sägg dezu. Obber dess draud er sich nedd, walls nuch ze hell is und überall stänga Leud. Er müssed edds ann Besuch im Grangnhaus machen und wenns finsder is, wenner hammfährd hauder seina Sägg mid dezu.
Erchendwie senn mir ja immer und überoll aweng späid drô!
Die an dieser Stelle vorgesehenen Inhalte können aufgrund Ihrer aktuellen Cookie-Einstellungen nicht angezeigt werden.
Diese Webseite bietet möglicherweise Inhalte oder Funktionalitäten an, die von Drittanbietern eigenverantwortlich zur Verfügung gestellt werden. Diese Drittanbieter können eigene Cookies setzen, z.B. um die Nutzeraktivität zu verfolgen oder ihre Angebote zu personalisieren und zu optimieren.
Diese Webseite verwendet Cookies, um Besuchern ein optimales Nutzererlebnis zu bieten. Bestimmte Inhalte von Drittanbietern werden nur angezeigt, wenn die entsprechende Option aktiviert ist. Die Datenverarbeitung kann dann auch in einem Drittland erfolgen. Weitere Informationen hierzu in der Datenschutzerklärung.