Sommerfesd

Veröffentlicht am 08.09.2025

Biggi liest die Geschichte selbst

Der Fussboll Verein ve unnern Sohn hodd Sommerfesd. Dou gänga mir ôm Nammidouch ah moll hie, wall a Sbill is. Mir steing ven Audo aus und laafm hie zenn Blodds, wu sa groud ess Bolzn ôgfangd homm.
Ich soch undern Laafm: „Khosd na säing, wu löffderdenn“?
Meiner: „Freilich, dord isser mid der Nummer ´SIEM`.“
Ich bi gans begeisderd, und souch: „Dess du dess nuch säing khosd, aus derrer Endfernung.“
Dou läichder mir gans gönnerhaffd die Händ auf die Schulder und sochd: „Ich bi hald ah nuch a boer Joher jünger wie du.“
Wie mir dann näherkhumma senn, säing mer, dass unner Bu die Nummer ´drei`auf sein Driggo hodd.
Dessich Mein nedd demidd aufgezuung hobb, versdidd sich ve selber, wallich aweng älder bi und ann Charagder hou.